Молдованын телерадиоберүүлөр боюнча координациялык кеңеши “Россия-24” каналынын өлкө ичинде обого чыгуу лицензиясын жарым жылга токтотту.
Кеңеш ошондой эле Орусиянын “Биринчи канал”, “РТР-Планета” жана РЕН - ТВ каналдарын көрсөткөн төрт молдова телеканалына санкция киргизди.
Мындай чечимдин себебин кеңеш “жаңылыктардагы пикирдин плюрализми сакталбагандыктан” деп түшүндүрдү.
“Интерфакс” агенттигине берген маегинде, кеңештин мүчөсү Дину Чокан “Россия-24” каналын мисал келтирип, Украинанын чыгышындагы жаңжалды бир тараптуу чагылдырган деп билдирди.
