16-ноябрда Жалал-Абад мамлекеттик университетинде жаштар Кыргызстандын шайлоо системасын талкуулашты. Бул тууралуу “Азаттыкка” “Жаштар парламенти-2013” долбоорунун катышуучусу Асан Эрмеков билдирди.
"Иш-чарада жаштарга Жаштар парламентинин депутаттары өлкөдөгү шайлоо системасы тууралуу маалымат беришип, талкуу жүрдү. Шаардын жаштары бул багытта өз сунушун беришти", – дейт Эрмеков.
Жаштар менен жолугушууну Эл аралык республикалык институт менен Демократияны колдоо фондунунун өкүлдөрү уюштурушуп, өлкөнүн бардык аймактарында өткөрүлүп жатат. (RsK)
