Москвада кыргызстандыктар Нооруз майрамын алдын ала тосуп, шаардагы кыргыз кафелеринин бириде сүмөлөк жасашты. «Интернеттеги Фейсбук социалдык тармагында Москвада жүргөн кыргыздардын тайпасы бар. Бул тилек ошол тайпада жаралган. Чет жакта жүрсөк дагы, ата-баба салт-санаасын унутпайлы», - дейт уюштуруучу Бусурманкул Шакиров. Интернетте жаралган тилекти мекендештер колдоп, 30 чакты адам бириккен.