Алматы: Батырхан Шукеновду эскерүү

Шаршембиге караган түнү Москвада белгилүү казакстандык ырчы жана композитор Батырхан Шукенов жүрөгү кармап көз жумду. Шукенов Казакстандын Кызыл-Ордо шаарында 1962-жылы туулган. Алматыдагы Курмангазы атындагы консерваторияны аяктаган. 1980-жылы “А-Студио” тобун негиздеп, өзү биринчи солисти болгон. 2000-жылдан алты альбом чыгарууга жетишкен. Таанымал өнөр чеберинин тажыясы 1-майда Алматыда өтөт. ("Азаттыктын" казак кызматы, 29-апрель, 2015)