Жалал-Абаддын жашоочулары полиэтиленден жасалган буюмдардан арылып, аз-аздан болсо дагы кездемеден жана кийизден тигилген баштыктарды колдонууга өтө баштады. Экология багытындагы адистер желим баштыктын айлана-чөйрөгө зыяны чоң экенин эскертет. Расмий маалымат боюнча, Кыргызстанда желим баштык өндүргөн 34 ишкана бар. Полиэтилен болжол менен 200 жылга чейин чирибей жер кыртышына, айлана-чөйрөгө зыян тийгизерин эксперттер аныктаган.