Москва: митингге чыккандар кармалды

12-декабрда Орусияда оппозиционерлер өлкөнүн Конституция күнүнө байланыштуу пикетке чыгышкан. Москва бийлиги активисттерге “Өзгөрүү маршын” өткөрүүгө уруксат берилбегенин айткан. Бирок уюштуруучулардын билдиришинче, мэриянын жообунда баш тартуунун себептери ачык көрсөтүлгөн эмес. Ошондуктан активисттер Москвада Пушкин аянтына чогулуп, Сахаров проспектисине чейин жөө жүрүш жасоону пландаган. Уюштуруу комитетинен билдиришкендей, акцияга ПАРНАС, “Яблоко”, “Жарандык демилге” жана “Тилектештик” кыймылынын өкүлдөрү чыгышмак. Москвадагы Пушкин аянтына келген “Яблоко” партиясынын лидери Сергей Митрохин жана мүчөсү Антон Антонов-Овсеенко кармалды. Мындан башка дагы активисттер жана чагымчылдар кармалганы айтылууда.