Орусия Крымды аннексиялап алган соң бул жарым аралдагы активдерине көзөмөлдү жоготкон Украинанын эки энергетикалык компаниясы - "Укрнафт" менен "Стабил" БУУ арбитражына кенемтесин төлөтүп берүү өтүнүчү менен кайрылды. Бул тууралуу туруктуу арбитраждык сот дүйшөмбүдө кабарлады.
Бул эки компания Орусия Москва менен Киев ортосундагы инвестиция боюнча эки тараптуу келишимдеги милдеттенмелерин бузду деп эсептейт. Орусия сот бул маселеде юрисдикцияга ээ эмес деп эсептеп, Гаагада өтүп жаткан сот жараянына катышуудан баш тартып келатат.
