Ала-Бука: Орто-Токойдогу абал

Ала-Бука районунун тургундары Орто-Токой суу сактагычын толугу менен Кыргызстанга өткөрүп алуу талабын коюп жатат. Союз мезгилинде Өзбекстандын Наманган облусундагы пахта талаалары үчүн курулган Орто-Токой суу сактагычын бүгүн да толугу менен Өзбекстан пайдаланат. Быйыл жыл башында кыргыз чек арачылары суу сактагычка кирген жолго блок пост орнотуп, андан улам эки өлкөнүн ортосунда пикир келишпек жаралууда. Үңкүр-Тоо боюнча да Өзбекстандын коюп жаткан талабы да суу сактагычтагы ушул постту алып салуу.