Жалал-Абад шаарында акыркы эки ай ичинде “Хонда Фит” үлгүсүндөгү беш машине уурдаган кылмыштуу топтун 4 мүчөсү кармалды. Бул тууралуу шаардык ички иштер башкармалыгынын башчысы Мелис Шералиев “Азаттык” радиосуна билдирди. Анын айтуусунда, эки автоунаа Ош шаарындагы күрөөканалардан табылган. Дагы бирин кылмышка шектүүлөр Таласка айдап барып сатып жиберишкени аныкталды. Ал эми бир автоунаа Казакстанга өткөрүлгөн.
Учурда 3 автоунаа милиция бөлүмүндө турат. Тергөө иштери аяктаган соң алар өз ээлерине кайтарылат. Жыл башынан бери шаарда жалпысынан 15 автоунаа уурдалган. (RsK)
