Нарындык демилгечи жаштар "Күн чырагы" коомдук уюму менен бирге 40 жашагы жалгыз бой майып аялга үй салып беришти. Тамдын курулуш материалдарына кеткен чыгымды шаардагы кайрымдуу адамдар көтөрсө, кара жумуш иштерине ал-күчкө толуп турган ыктыярчы жаштар тартылган. Кыркка чыкканда менчик тамдуу болуп кудуңдап жаткан Жаркындын кубанычында чек жок. Жаңы тамына ушул жылдын сентябрь айында кирген.