Бүгүн Каракол шаарынын №1 мектеп гимназиясында "Биз экстремизмге,терорризмге жана балдарды өзүн өзү өлтүрүшүнө каршыбыз" аталышындагы форум өттү. Каракол шаардык милициясы жана шаардык мэрия тарабынан демилгеленген бул иш-чаранын максаты диний экстремизмге каршы күрөш, жашы жете элек өспүрүмдөр тарабынан жана аларга карата жасалган кылмыштардын алдын алуу болуп саналат.
Форумга мектеп окуучуларынан тышкары мэриянын, милиция, сот, прокуратуранын өкүлдөрү, мугалимдер катышты.
Жыл башынан бери Ысык-Көл облусунда өспүрүмдөрдүн үч суициди катталган. Өткөн жылы 12 өспүрүм өз өмүрүнө кол салган. (AsM)
