“Кентавр” - доор көйгөйүн чагылдырган тасма

Бишкекте режиссер Актан Арым Кубаттын “Кентавр” тасмасынын жабык премьерасы өттү. Ага жергиликтүү кино күйөрмандары жана журналисттер катышты. Тасмадан кийин режиссердун катышуусунда талкуу болду. Анда көрүүчүлөр “Кентавр” тасмасы учурда кыргыз коомчулугунда болуп жаткан рухий карама-каршылыктарды чагылдырган актуалдуу фильм болгонун белгилешти. “Кентавр” тасмасынын дүйнөлүк бет ачары февраль айында Германиядагы Берлинале фестивалында өткөн.