Линктер

ЧУКУЛ КАБАР!
22-Октябрь, 2021 жума, Бишкек убактысы 10:40

Активист Темирлан Ормуковдун иши сотко өттү


Темирлан Ормуков

Бул тууралуу “Азаттыкка” активист өзү билдирди. Ормуковдун айтуусунда, бүгүн милиция кызматкерлери анын үйүнө келип, шаардык ички иштер башкармалыгына алып барышкан. Тергөө иши аяктаганын айткан милиция кызматкерлери документтер менен таанышкандыгы тууралуу кол коюп берүүсүн өтүнгөн:

- Бишкек шаардык ички иштер башкармалыгына​ "тергөө ишиң менен таанышкандыгың боюнча кол кой" дешти. Бирок, мен адвокат жок кол койбойм дедим. Жыйынтыгында нөөмөтчү адвокатты чакырып келишип, аны кол койдуруп, иш эми прокуратурага өткөнүн билдиришти. Мени сотко даярдан деп, бирок ал кайсы күнү болоорун айтышкан жок.

Буга чейин Башкы прокуратура Бишкектин тургуну Темирлан Ормуковдун президентти сындап социалдык тармакка жазган ырында “аймак аралык козутуунун” белгилери аныкталганын жарыялаган эле.

Депутат Дастан Бекешов Ормуковдун социалдык тармакка жарыялаган “Ажонун ооруп жүрөгү” аттуу ырында президенттин беделине шек келтирген сөздөр бар деген жүйө менен Башкы прокуратурага кайрылган эле. Өткөн айдын башында Бишкек милициясы акын, активист Темирлан Ормуковго "кылмыш жасалгандыгы жөнүндө атайылап жалган билдирүү жасоо" беренеси боюнча кылмыш ишин козгогон. (SDz)

Пикирлерди көрүңүз (7)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG