Линктер

шаршемби, 22-ноябрь, 2017 Бишкек убактысы 03:32

Орусия колдогон жикчилдерге каршы күрөшүү үчүн Украинага заманбап курал-жарак берүүнү НАТО күчтөрүнүн Европадагы башчысы, генерал Кертис Скапарротти сунуштады.

- Менин жеке пикиримде, коргонуу үчүн биз Украинага заманбап куралдарды жеткирүү мүмкүнчүлүгүн карап чыгышыбыз зарыл, – деди Скапарротти АКШ Конгрессинин эл өкүлдөр палатасынын куралдуу күчтөр комитетинин жыйынында.

Мурдагы президент Барак Обаманын администрациясы Украинага бронежилет, түндө көрүү каражаттарын, кургак тамак-аш, дары-дармек жагынан жардам берген. Бирок Орусия тараптын согушту ырбатуу ыктымалдыгынан чочулап, Украинага танктарга каршы ракеталарды жеткирүү тууралуу Конгресстин чакырыктарына каршылык билдирген.

Конгрессте 28-мартта "Орусиянын ишмердүүлүгүнө жана Европадагы коопсуздукка аскердик баа берүү" деп аталган угуулар болду.

Сиздин пикир

пикирлерди көрсөт

XS
SM
MD
LG