Президент Алмазбек Атамбаев бүгүн Бишкекте Ирандын тышкы иштер министри Мохаммад Жавад Зариф менен жолугушту.
Тараптар эки өлкөнүн карым-катышындагы актуалдуу маселелерди талкуулап, саясий диалогду өнүктүрүү, банк, инфраструктура жана курулуш, инвестиция жана соода тармактарында кызматташуу боюнча конкреттүү кадамдарды таштоо зарылдыгын белгилешти.
Иран тышкы иштер министри 18-апрелде Бишкекке расмий сапар менен келген. Анын жүрүшүндө Бишкекте өтүп жаткан кыргыз-иран бизнес форумуна катышты. (NT)
