Линктер

ЧУКУЛ КАБАР!
18-Октябрь, 2021 дүйшөмбү, Бишкек убактысы 04:46

Британ полициясы чабуулга шектүү эки кишинин аты-жөнүн айтты


Баркинг районундагы текшерүүдө кармалган аялды полиция алып баратат, 4-июнь, 2017

Британ полициясы 3-июнда Лондондо террордук чабуул жасады деп шектелген үч кишинин экөөнүн аты-жөнүн коомчулукка айтты.

27 жаштагы Хурам Батт үй-бүлөлүү, балдары менен Лондондун чыгышындагы Баркинг районунда бир нече жыл жашаган.

Лондон шаардык полициясы буга чейин эле ал полицияга жана МИ-5 кызматына белгилүү болгонун билдирет. Пакистанда туулган Батт британ жараны болгон.

“Ага карабастан чалгын кызматтары чабуул даярдалып жатканын билбегени жана иликтөөгө артыкчылык берилбегени” полициянын билдирүүсүндө айтылат.

30 жаштагы Рашид Редуан Рашид Эльхдар деген атты алып жүрүп, мурда полицияга белгисиз болгон. Анда Ливия менен Марокконун жарандыгы болгон.

Иликтөөчүлөр үчүнчү шектүүнүн тек-жайын аныктап жатканын полиция билдирет.

Үч шектүүнү тең террордук чабуул болгон жерде полиция 3-июнда атып өлтүргөн.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG