Линктер

ЧУКУЛ КАБАР!
18-Октябрь, 2021 дүйшөмбү, Бишкек убактысы 23:22

Депутат Жылдыз Мусабекова парламент жыйынына келди


Бир канча убакыттан бери парламентте көрүнбөй калган депутат Жылдыз Мусабекова 15-июндагы жыйынга келди. Ал Нарын облусунун бир катар райондорунда эл менен жолугуп, саламаттык сактоо багытындагы маселелерди талкуулаганын айтты. Аймакка тийиштүү дарыгерлерди жөнөтүү зарылчылыгы бар экенин белгиледи.

2-майда КСДП фракциясынын депутаты Жылдыз Мусабекова менен “Алиби” гезитинин журналисти Үпөл Анаркулованын телефондогу сүйлөшүүсүнүн аудиосу интернетке чыккан. Анда депутат өзү жөнүндө такталбаган маалымат таратканы үчүн журналистти опузалаганы жазылган. Кийинчерээк эл өкүлү ал аудио монтаждалганын билдирген, бирок журналист жазуу жасалма эместигин айткан.

Экөөнүн жаңжалы коомчулукта кызуу талкууланып, КСДП лидери Иса Өмүркулов эл өкүлүнүн жоругу фракция жыйынында караларын, моралдык жагы талкууланарын билдирген. Бирок Мусабекова бир канча жолу жыйынга келбей койгону кабарланган эле.

Журналист президентке, парламент спикерине, КСДП фракциясынын лидерине, Жогорку Кеңештин Этика жана регламент боюнча комитетинин төрайымына, маданият, маалымат жана туризм министрине 12-майда Фейсбук аркылуу кайрылган. Мындан кийин журналисттин даттануусун президенттик аппарат карай турганы айтылган. Президенттик аппараттын маалыматык саясат бөлүмүнүн башчысы Алмаз Үсөнов журналисттин даттануусу парламентке жөнөтүлгөнүн 13-июнда “Азаттыкка” билдирген.

Пикирлерди көрүңүз (13)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG