Жалал-Абад облусунун Ноокен районуна караштуу Ношкен айылындагы 20дай үй-бүлөгө ушул жылдын февраль айынан бери жарык бериле элек. Бул тууралуу район акими Эркинбек Маматаев Жалал-Абаддагы маалымат жыйынында билдирди.
Маалыматка караганда, жарыксыз калган турак жайлар чек ара тилкесине жакын жайгашкан. Алар мыйзамсыз жана басып алуу жолу менен салынгандыктан документтештирүү маселеси чечилбей жатат.
- Буга чейин жашоочулар Өзбекстан пайдаланып келген насостук станция аркылуу электр энергиясын колдонуп келишкен, – деди Маматаев.
Өзбекстан пайдаланып жүргөн “Эгемен-1” насостук станциясын 2015-жылы Кыргызстан өзүнө алган. Ошондон тартып айылга жарык берүү токтотулган. Өзбекстандын Наманган облусу менен чектешкен Ношкен айылында миңдей калк жашайт. (RsK)