Линктер

ЧУКУЛ КАБАР!
25-Октябрь, 2021 дүйшөмбү, Бишкек убактысы 13:30

Путин интернеттеги купуялуулукту чектеген мыйзамга кол койду


Москвада 23-июлда өткөн жүрүш.

Орусиянын президенти Владимир Путин интернеттеги купуялуулукту чектеген мыйзамга кол койду. Бул маалымат орус өкмөтүнүн расмий сайтына 30-июлда жарыяланды.

Мыйзамга ылайык, Орусияда жарандар өздөрү тууралуу ачык маалымат бербесе, кыска билдирүүлөрдү алмашуу кызматтарын (мессенжер) колдоно алышпайт. Ошондой эле бөгөттөлгөн сайттарды ачып берген анонимайзерлерди же VPN сайттарды колдонууга да тыюу салынат. "Маалымат, маалымат технологиялары жана маалыматты коргоо жөнүндө" мыйзамга киргизилген бул өзгөртүүлөрдүн басымдуу бөлүгү 2017-жылдын 1-ноябрында күчүнө кирет.

23-июлда Москвада 800дөй коомдук активист "Интернеттеги эркиндик үчүн" деп аталган жүрүшкө чыгып, онлайн купуялуулукту чектеген соңку өзгөрүүлөргө нааразылык билдиришкен. Алар Орусияда мындай мыйзамдар менен интернетте ой-пикир билдирүү эркиндиги чектелип жатканын айтышкан.

Демилгечилер экстремисттик көз караштарга бөгөт коёт деп ишендирген бул өзгөртүүлөрдү Орусиянын Федерация Кеңеши быйыл 25-июлда, парламенттин төмөнкү палатасы - Мамлекеттик Дума 21-июлда жактырган.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG