Жалал-Абад шаарында аялдардын радикалдашуусунун алдын алуу маселеси талкууланды. Облустук милициянын басма сөз кызматы билдиргендей, "Эне - тынчтыктын жарчысы" деп аталган талкууга Жалал-Абад шаарынын жана Сузак районунун аймактык тескөөчүлөрү, активист аялдар, бейөкмөт уюмдардын өкүлдөрү жана дин кызматкерлери катышты. Төрт күн бою жүргүзүлгөн иш-чаранын жыйынтыгында террорчулуктун алдын алууда биргелешип күрөшүү чечими кабыл алынды.
Милициянын билдиришинче, Жалал-Абад облусунда 500гө чукул адам диний экстремисттик уюмуна мүчө катары каттоодо турат. Алардын 40 пайызга жакыны аялдар жана Сузак, Базар-Коргон, Ноокен райондорунун тургундары.
Быйыл жыл башынан бери диний экстремизмге байланыштуу 30дан ашык кылмыш иши козголгон. (RsK)
Сиздин пикир
пикирлерди көрсөт