Жогорку Кеңештеги оппозициялык "Республика Ата-Журт" фракциясы Сапар Исаков баштаган өкмөттүн дайындалышына каршы эмес.
Бул тууралуу фракция башчысы Өмүрбек Бабанов билдирди.
Жогорку Кеңеш бүгүн кезексиз сессияга чогулуп, өкмөттүн жаңы курамын талкуулап жатат.
Буга чейинки премьер-министр Сооронбай Жээнбеков КСДП партиясынан президенттик шайлоого бирдиктүү талапкер болуп кеткенине байланыштуу анын өкмөтү отставкага жөнөтүлгөн. Сапар Исаков буга чейин президенттик аппараттын башчысы болуп иштеп келди.
Оппозициялык азчылыкка "Республика Ата-Журттан" тышкары "Ата Мекен" жана "Өнүгүү Прогресс" кирет. (RK)
