Жогорку Нарын каскадынын курулушу түшө турган Нарын районунун Таш-Башат айылынын эли учурда ГЭСке берилип кеткен жерлердин арабөк калганына кабатыр болуп жатышат. ГЭС куруу үчүн бийликтин бир эмес эки жолку аракети ишке ашпаганын көргөн айрым тургундар ГЭСтен үмүттөрүн үзүп, жерди кайра элге кайтарып бериши керек деген ойлорун айтышууда. Ошол эле убакта куралган иш кур калмак беле деп оптимисттик маанайдагы тургундар да жок эмес.