Индонезиядагы жарылуудан кеминде 23 адам өлүп, дагы ондогону жаракат алышты. Кырсык 26-октябрда эртең менен борбор Жакартанын жанындагы фейерверк заводунда болгон.
Учурда өрт өчүрүү, куткаруу иштери жүрүүдө. Жакарта полициясынын башчысы Нико Афинта 23 адамдын сөөгү табылганын жергиликтүү телеканалга билдирди.
"Бул заводдо 103 киши иштечү. Алардын ичинен жаракат алган 43 адам үч ооруканага жаткырылды" деди ал.
Өрт өчүрүүчүлөр набыт болгондордун денелери таанылгыс болуп күйүп кеткенин айтышууда.
