Сирия өкмөтү кайрадан химиялык курал колдонуп жатат деген маалыматтар Орусия менен АКШнын кезектеги кайым айтышуусуна себеп болду. Казакстандын президенти Нурсултан Назарбаев Казакстандын Коопсуздук Кеңешин өмүр бою жетектеши мүмкүн. Мындай мыйзам долбоору казак парламентине сунушталды. Мальдив республикасында саясий кризис күч алды. Мамлекеттин президенти, өз агасын- мурунку өлкө башчысын жана Жогорку соттун башкы судьясын камады. Азербайжанда оппозициячыл Демократиялык күчтөрдүн улуттук кеңеши мөөнөтүнөн мурда белгиленген президенттик шайлоону бойкот кыларын билдирди.