Линктер

ЧУКУЛ КАБАР!
14-Май, 2021 жума, Бишкек убактысы 22:08

Орусия Кыргызстандын 240 миллион доллар карызын кечти


Орусия менен Кыргызстандын желектери.

2012-жылдын 20-сентябрында Кыргызстанга берилген карызды жөнгө салуу жөнүндө федералдык мыйзамга 5-февралда орус президенти Владимир Путин кол койгонун Кремлдин расмий сайты жазды. Анда документти Мамлекеттик дума 19-январда кабыл алып, андан кийин Федерация кеңеши жактырганы айтылат.

Карызды кечүү жөнүндө протоколго былтыр 20-июнда Москвада мурдагы президент Алмазбек Атамбаев менен орус лидери Владимир Путиндин жолугушуусунда кол коюлган. Муну менен өлкөнүн Орусияга 240 миллион доллар карызы жоюлары маалымдалган.

Расмий маалыматка ылайык, 2012-жылы Кыргызстандын жалпы карызынын суммасы 488,9 миллион доллар болчу. 2012-2013-жылдардагы сүйлөшүүлөрдүн негизинде Орусия 2013-жылы карыздын 188 миллион долларын кечкен. Калган 300 миллион доллар 10 жылга созулган мөөнөттө кыскартылат деген келишимге кол коюлган. Ага ылайык, 2016-2017-жылдары 300 миллиондон 60 миллион доллар кыскарып, жыйынтыгында 240 миллион доллар карыз калган. (NT)

Пикирлерди көрүңүз (8)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG