Линктер

ЧУКУЛ КАБАР!
9-Март, 2021 шейшемби, Бишкек убактысы 06:57

НАТО жети орус дипломатын чыгарат


НАТОнун баш катчысы Йенс Столтенберг, 27.03.2018

НАТО Орусиянын туруктуу өкүлчүлүгүндөгү жети дипломатты чыгарат жана дагы үчөөнө аккредитация бербейт. Бул тууралуу Түндүк альянстын баш катчысы Йенс Столтенберг шейшембиде билдирди. Брюсселде орус миссиясындагы кызматкерлердин саны 30дан 20га түшөт.

Столтенберг дипломаттарды чыгаруу Европа биримдигинин өлкөлөрү жана АКШ көргөн чаралардын алкагында ишке ашып жатканын белгиледи. «Биз Орусияга өз жүрүм-турумунун баасын билсин» деп жатабыз деди Столтенберг. Ошол эле маалда аскерий альянстын Орусияга жалпы саясаты өзгөрбөй турганын кошумчалады.

Орусиянын Тышкы иштер министрлиги «Москва НАТОнун чечимине сөзсүз жооп берерин» орус маалымат каражаттары жазышты.

2009-жылы НАТО Орусиянын туруктуу өкүлчүлүгүнөн эки кызматты тыңчылыкка айыптап чыгарган.

26-мартта Евробиримдикке кирген 15 өлкө, АКШ, Канада, Норвегия, Албания, Македония жана Украина да Лондонго тилектештигин билдирди. Жалпысынан бул өлкөлөрдөн 140 орус дипломаты чыгарылат.

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.
XS
SM
MD
LG