Линктер

ЧУКУЛ КАБАР!
26-Февраль, 2021 жума, Бишкек убактысы 21:58

Путиндин Кемероводо эл менен жолукпаганынын себеби айтылды


Кемерово, 27-март, 2018-жыл

Орус президентинин басма сөз катчысы Дмитрий Песковдун түшүндүрмөсү боюнча, миңдеген кишиден турган топ менен сүйлөшүү "Путиндин стили" эмес. Ал муну Жогорку экономика мектебиндеги ток-шоу учурунда айтты.

Кремлдин басма сөз катчысы Путинге популизмден алыс "так президент" деп баа берди. Кемеровонун губернатору Аман Тулеевдин митингге чыккан оппозицияны "бөлүп-жаруучулар" деп атаганы ийгиликсиз болуп калганын айтты.

"Чыныгы оппозициясы жок өлкө жашай албайт" деген Песков орус оппозициясы Григорий Явлинский, Алексей Навальный сыяктуу адамдардын айынан бириге албай жатканын белгиледи.

Песковдун сөзүн "МБХ Медиа" басылмасы жазып чыкты.

25-мартта Кемероводо оюн-зоок соода борборунда чыккан өрттөн 64 киши набыт болгон, анын 41и балдар. 27-мартта жергиликтүү тургундар облустук администрациянын алдында адамдардын өлүмүнө күнөөлүүлөрдү жазалоону жана губернатордун кызматтан кетүүсүн талап кылып митингге чыгышкан. Ошол эле күнү орус президенти Владимир Путин кырсык болгон аймакка барып, облус жетекчилиги менен жолуккан. Президент да, губернатор да митингдеги эл алдына чыккан эмес.

Пикирлерди көрүңүз (4)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG