Идрис Кадыркулов Улуттук коопсуздук мамлекеттик комитетинин Улуттук коопсуздуктун коркунучтарын талдоо жана аныктоо кызматынын директору болуп дайындалды. Тийиштүү буйрукка мамлекет башчы Сооронбай Жээнбеков 7-апрелде кол койгону расмий кабарланды.
Аталган кызматты аркалаган Болот Сүйүмбаев өз арызынын негизинде иштен алынганы мурдараак маалымдалган эле. Анын алдында УКМК төрагасы Абдил Сегизбаев кызматтан бошотулган.
Идрис Кадыркулов мурда УКМКнын Оштогу башкармалыгын жетектечү. (SE)
