Линктер

ЧУКУЛ КАБАР!
27-Февраль, 2021 ишемби, Бишкек убактысы 13:19

Саясий буйрутмадан запкы чеккендер боюнча комиссия түзүү сунушталды


Кыргызстанда Башкы прокуратуранын демилгеси менен абакка кесилген, миллиондогон сумма айыппулга жыгылган журналист жана активисттердин маселесин талдаган депутаттык комиссия түзүү сунушталды.

Бул тууралуу 11-апрелде парламенттеги "Ата Мекен" фракциясынын депутаттары Каныбек Иманалиев жана Наталья Никитенко көтөрдү. Спикер Дастанбек Жумабеков бул маселе фракциянын чечими келгенде караларын айтты.

Жогорку Кеңештин депутаттары баш прокурор Индира Жолдубаеваны мөөнөтүнөн мурда кызматтан алуу боюнча президент Сооронбай Жээнбековдун сунушун бүгүн колдоду. Жолдубаева өзү жыйынга катышкан жок. Ал Жогорку Кеңешке кат жолдоп, маселени өзү жок эле карай берүүнү сураганын спикер Дастанбек Жумабеков билдирди.

Эл өкүлдөрүнө Президенттик аппараттын башчысы Мухамедкалый Абылгазиев мамлекет жетекчисинин сунушу боюнча баяндама жасады. Анда прокуратура өз милдетин так аткарбай калганы, адам укуктарын одоно бузганы белгиленди.

Талкуу учурунда айрым депутаттар Башкы прокуратура саясий репрессияга жол бергенин, кийинки баш прокурор бул катаны кайталабашы керектигин белгилешти. (SE)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG