Линктер

шаршемби, 15-август, 2018 Бишкек убактысы 23:28

"Берекет" базарында товары күйгөндөр митингге чыкты


Өрт чыккан базар.

Бишкектин "Берекет" базарындагы өрттө товары күйгөн жүздөй соодагер Жогорку Кеңештин алдына митингге чыгып, өкмөттөн компенсация талап кылды.

Андан ары алар Бишкектин Ленин райондук акимчилигине барып, зыянга туш болгондордун, күйүп кеткен товарлардын тизмесин тапшырмай болушту. Райондук администрация жетекчилиги өкмөт башчы тийиштүү тапшырма бергенин, соодагерлердин талабы боюнча жакын арада бир чечим кабыл алынарын билдирди.

Ош базары тараптагы "Берекет" базарында 13-апрелде таңга жуук чыккан өрттөн болжол менен 2000 чарчы метр соода аянты күйгөн. Өрттү өчүрүүгө 14 техника тартылып, ал 7:40та өчкөн. Өрттүн себеби тактала элек. Өзгөчө кырдаалдар министринин орун басары журналисттерге "базар өрттөлгөн болушу мүмкүн" деген божомолду айтты. Кылмыш иши козголуп, иликтөө башталды. (SE\KR)

Сиздин пикир

пикирлерди көрсөт

XS
SM
MD
LG