Линктер

жекшемби, 21-октябрь, 2018 Бишкек убактысы 07:53

АКШнын мурдагы биринчи айымы Барбара Буш көз жумду


Барбара Буш.

Шейшемби күнү АКШнын мурдагы биринчи айымы Барбара Буш 92 жашында көз жумду.

Барбара Буш - 1989-1993-жылдары өлкө башында турган Американын 41-президенти Жорж Буштун зайыбы жана Кошмо Штаттардын 43-президенти болгон кенже Жорж Буштун энеси эле.

Барбара Буш коомчулуктун эсинде жолдошунун ишенимдүү жубайы, чоң үй-бүлөдөгү мээримдүү эне, бир баласы президент, экинчи уулу губернатор болгон аял катары калды.

Жолдошу президент кезинде ал Америкада абдан танымал жана кадыр-барктуу адамга айланган.

АКШнын маалымат каражаттары жазгандай, Барбара Буш жүрөк жана өпкө оорууларынан жабыркап келген.

Барбара менен Жорж Буш 1945-жылы баш кошкон. Алар алты балалуу болуп, бир кызы наристе кезинде чарчап калган. Жубайлар 72 жыл чогуу түтүн булатты.

XS
SM
MD
LG