Линктер

дүйшөмбү, 23-июль, 2018 Бишкек убактысы 05:59

"Эл аралык мунапыс" (Amnesty International) укук коргоо уюму Казакстандын бийлигин кошкабкат келинге куугунтукту токтотууга чакырды.

18-апрелдеги билдирүүдө алматылык Акмарал Тобылова "Казакстандын демократиялык тандоосу" кыймылынын Интернеттеги баракчасына кирип койгону үчүн гана айыпталып жатканы айтылат.

28 жаштагы Акмарал Тобылова кесиби боюнча дизайнер. 13-мартта, Астана соту "Казакстандын демократиялык тандоосу" кыймылын экстремисттик деп тааныган күнү кармалып, үй камагына алынган.

13-апрелде сот Тобылованы үй камагынан күрөө акчага бошоткон. Бирок ага алигиче "экстремисттик уюмду каржылоо" боюнча тагылган айып алынбай жатканына укук коргоочулар тынчсызданууда.

"Казакстандын демократиялык тандоосу" кыймылын бозгундагы казак оппозиционери Мухтар Аблязов түзгөн.

"Блогерлер, активисттер жана башка эле карапайым адамдар аталган кыймылды колдогон ой-пикирлери үчүн алигүнчө суракка алынып, кармалууда" деп жазылат Эл аралык мунапыс уюмунун билдирүүсүндө. Өткөн айда уюм Акмарал Тобылованы абийир туткуну деп тааныган.

XS
SM
MD
LG