Линктер

ЧУКУЛ КАБАР!
25-Февраль, 2021 бейшемби, Бишкек убактысы 11:05

Орто-Сай базарындагы бомба тууралуу маалымат калп болуп чыкты


Иллюстрациялык сүрөт.

Бул тууралуу бүгүн Улуттук коопсуздук боюнча мамлекеттик комитет (УКМК) кабарлады. Маалыматка ылайык, текшерүүнүн жыйынтыгында кандайдыр шектүү буюмдар же жардыруучу зат табылган эмес. Учурда базардагы соода кайра толугу менен жанданды.

Атайын кызматтын маалымат бөлүмү "Азаттыкка" кабарлагандай, бүгүн түшкү саат 12:30 чамасында белгисиз бирөө "102" нөөмөт кызматына телефон чалып, бомба бар экенин айтып, качып кеткен. Айтылган жерге УКМКнын жана ИИМдин атайын тобу барып, базарды курчоого алып, текшере баштаган.

Кийинки убакта Бишкекте жардыруучу зат коюлганы тууралуу жалган маалымат тараткан кылмыш фактылары көп катталууда.

Жыл башынан бери эле буга окшогон беш кылмыш иши козголгон. Алардын эң көбү апрель айына туура келет. Бирок террордук акт тууралуу жалган маалымат тараткандардын бири да кармала элек. Талдоочулар муну коомчулукка бүлүк салуу, коомдук-саясий кырдаалга таасир этүүгө аракет кылган күчтөрдүн коркутуу актысы катары сыпатташууда.

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG