Индия 2022-жылы космоско алгачкы жолу астронавт учурат. Бул тууралуу өкмөт башчы Нарендра Моди 15-августта баш калаа Нью-Делиде өлкөсүнүн Эгемендик күнүндө элине кайрылып жатып айтты.
- Биз 2022-жылы же андан мурда эле Индиянын уулун же кызын колуна өлкөнүн туусун көтөртүп космоско учурабыз, - деди ал.
Премьер-министр индиялык окумуштуулар буга чейин космоско 100дөн ашуун жандооч учурушканын эске салды. Буга чейин космоско өз астронавттарын Орусия, Кытай жана АКШ учуруп келгени белгилүү. Индия өзүнүн космос программасын 1947-жылдан бери өнүктүрүп келет.
