“Бир дүйнө”: мыкты тасмалар тандалды
Адам укуктарына арналган “Бир дүйнө – Кыргызстан” кинофестивалынын жеңүүчүлөрү сыйланды. Калыстар тандалып алынган 25 тасманын ичинен эң мыкты делген 10 эмгекке байгелүү орундарды тапшырды. Арасында “Азаттыктын” иликтөөчү журналисти, маркум Уланбек Эгизбаев көзү тирүү кезинде тарткан “Бөтөн жашоо” фильми да бар. Андан сырткары быйыл биринчи жолу фестивалдын алкагында Уланбек Эгизбаевдин урматына “Уланбек уланат” атайын сыйлыгы берилди.