Линктер

ЧУКУЛ КАБАР!
28-Февраль, 2021 жекшемби, Бишкек убактысы 07:39

Футбол аянтында каза болгон өспүрүмдүн өлүмү боюнча сот уланат


Кыргызстандагы футбол ойноочу аянттардын бири. Иллюстрациялык сүрөт.

Он бир жаштагы Алан Айсаевдин өлүмү боюнча иш Бишкектин Ленин райондук сотунда, судья Сыргак Жумадыловдун төрагалыгы алдында каралууда. Өспүрүмдүн энеси Нестан Исабекованын айтымында, 28-ноябрда сот жараянды бүгүнкүгө жылдырган.

Исабекова футбол аянтында балдардын каза болгон учурлары буга чейин деле кезиккенин, бирок анын баары кокустук катары каралып, сотко биринчи жолу жеткенин айтып жатат. Ал мындай көрүнүшкө жол бербөөгө, күнөөлүүлөрдүн жазаланышына кайдыгер карабоого, өзүн колдоого коомчулукту чакырууда.

Окуя быйыл 13-июнда Бишкектеги футбол аянтчаларынын биринде болгон. Жабырлануучу тараптын айтымында, футбол ойноп жүргөн Алан Айсаевди жана башка балдарды экинчи дарбазада ойноп жаткандар чогуу ойноого чакырган. Дарбазада турган Айсаевге катуу тебилген топ келип тийгенде кулаган дарбазанын темири басып калып, каза болгон. Уулунан айрылган үй-бүлө милициянын "дарбаза катуу шамалдан кулады" деген баштапкы маалыматына нааразы болуп, окуя боюнча кылмыш ишин козгоону талап кылган жана балдарды футбол ойноого тарткандарды жана топту күч менен катуу тепкендерди таап, жазалоону суранган. Иш сотто 18-октябрда карала баштаган.

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG