Линктер

ЧУКУЛ КАБАР!
5-Март, 2021 жума, Бишкек убактысы 20:38

Бекназаров: Азыркы бийлик мурдагынын катасын кайталады


Азимбек Бекназаров.

Убактылуу өкмөттүн мүчөсү Азимбек Бекназаров “Ата Мекен” партиясынын абактагы лидери Өмүрбек Текебаевдин туулган күнүнө арналган иш-чарада сүйлөп жатып "бийлик мурдагылардын катасын кайталап жатканын" билдирди. Ал президент Сооронбай Жээнбековдун Текебаев боюнча айткандарын сындады.

19-декабрда президент Сооронбай Жээнбеков маалымат жыйынында Текебаевди абактан бошотуу маселесине кийлигише албасын, бирок мыйзам боюнча ырайым берүүгө мүмкүнчүлүк бар экенин айткан.

22-декабрь белгилүү саясатчы, “Ата Мекен” партиясынын лидери Өмүрбек Текебаевдин туулган күнү. Ал бүгүн 60 жашка чыкты. Саясатчынын туулган күнүн партиялаштары Базар-Коргондо, Кочкор-Атада да белгилеп жатышат.

Бишкектеги иш-чарага Текебаевди куттуктоого экс-президент Роза Отунбаева, мурдагы премьерлер Темир Сариев, Феликс Кулов, Жогорку Кеңештин мурдагы төрагалары Абдыганы Эркебаев, Адахан Мадумаров, Ишенбай Кадырбеков баштаган бир катар саясатчылар катышууда.

"Ата Мекен" партиясынын лидери, Жогорку Кеңештин мурдагы төрагасы жана депутаты Өмүрбек Текебаев менен мурдагы ӨКМ башчысы Дүйшөнкул Чотонов "Коррупция" беренеси менен айыпталып, 2017-жылы сегиз жылга эркинен ажыратылган. Азыр алар түрмөдө. (КЕ)

Пикирлерди көрүңүз (54)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG