Линктер

ЧУКУЛ КАБАР!
9-Март, 2021 шейшемби, Бишкек убактысы 02:03

Украина КМШда кол коюлган үч макулдашуудан чыкты


КМШга кирген өлкөлөрдүн премьер-министрлери Астанадагы жыйында. 20-октябрь, 2018-жыл.

Украинанын министрлер кабинети КМШнын алкагында экономикалык кызматташуу боюнча кол коюлган үч макулдашууну (Экономикалык маалымат алмашуу жөнүндө, тышкы экономикалык имшердүүлүк жаатында маалымат алмашуу жөнүндө, тышкы экономикалык кызматташтык жөнүндө макулдашууларды) токтотууну чечти.

1992-1993-жылдары Минск менен Москвада кол коюлган эки макулдашуу «КМШнын курамындагы мамлекеттердин ортосунда экономикалык маалыматты жана социалдык-экономикалык абалды көрсөткөн статистикалык сандарды алмашууну жөнгө салууну” караштырат.

Тышкы экономикалык алакаларды жөнгө салуу жөнүндө үчүнчү келишимге 1992-жылы Ташкентте кол коюлган.

Украин өкмөтүнүн чечимине ылайык, Тышкы иштер министрлиги чукул арада КМШнын аткаруу комитетине жогорудагы макулдашуулар токтотулганын расмий билдириши керек.

2018-жылдын декабрында Украин бийлиги "Орусия менен достук жана кызматташтык жөнүндө" макулдашууну токтоткон.

Украин президенти Петро Порошенко былтыр май айында КМШнын аймактык түзүмдөрүндөгү бардык өкүлдөрдүн чакыртып алуу тууралуу буйрукка кол койгон жана бул чечимди өлкөнүн Европага интергациялашууга багыт алганы менен түшүндүргөн.

Пикирлерди көрүңүз (4)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG