Линктер

ЧУКУЛ КАБАР!
27-Ноябрь, 2021 ишемби, Бишкек убактысы 14:36

Кыргызстандын Европа Биримдигине жиберген экспорту арбыды


Бишкек, Ош базары.

Кыргызстан «ВСП+» - Жалпы жеңилдиктер системасын колдонууга уруксат алган соңку үч жылдан бери Европа Биримдигиндеги өлкөлөргө жиберген экспорту көбөйдү. Бул тууралуу “Азаттыкка” Экономика министрлигинин өкүлү Бүбүсара Токтоналиева билдирди:

- Эгер алтынды эсепке албай, санак жүргүзсөк 2018-жылы Европа Биримдигиндеги өлкөлөргө кеткен биздин экспортубуз 95 млн. долларды түздү. Бул 2017-жылга карата ал салыштырмалуу дээрлик 1,60 эсе көбөйдү дегенди билдирет.

Токтоналиеванын айтымында, Кыргызстан «ВСП+» – Жалпы жеңилдиктер системасына кошулганга чейин, 2015-жылы өлкө аталган биримдикке 50,4 млн. долларлык товар жөнөткөн. «ВСП+» макамын алган 2016-жылы бул сумма 41,0 млн. доллар, 2017-жылы 59,5 млн. доллар болгон.

Кыргызстандык экспортерлор негизинен Британияга, Белгияга, Германияга жана Литвага көбүрөөк товар жөнөтөт. Негизинен айыл чарба өндүрүмү, төө буурчак, козу карын, жаңгак, жашылча-жемиштер, жер-жемиштер, кургатылган жемиштер сатылат. Мындан сырткары транспорттук каражаттар, алардын тетиктери, механизмдери жана түстүү металлдар кетет.

Ошондой эле Евробиримдикке 2016-жылы 31,3 млн., 2017-жылы 186,8 млн., 2018-жылы 663 млн. долларга тете алтын экспорттолгон. Бул негизги экспортко кошуп саналбайт.

Европа Биримдиги расмий Бишкектин өтүнүчү менен «Всеобщая система преференций+» («ВСП+») – Жалпы жеңилдиктер системасын колдонуу макамын Кыргызстанга 2016-жылдын 27-январында берген. Ага чейин кыргызстандык экспортерлор айыл чарба өндүрүмүнө 14,6%, текстил буюмдарына 5-9% бажы төлөмүн төлөчү. (ErN)

Пикирлерди көрүңүз (6)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG