Линктер

ЧУКУЛ КАБАР!
28-Февраль, 2021 жекшемби, Бишкек убактысы 21:47

Ташкент Москвада мушташта эки өзбек жараны өлгөнүн билдирди


Орусиядагы полиция кызматкери. 27-февраль, 2018-жыл.

Өзбекстандын Тышкы иштер министрлиги Москвадагы эки өзбек жаранынын өлүмү боюнча билдирүү таратты. Анда 17-февралда Орусиянын баш калаасындагы өзбекстандык атуулдар аралашкан калайман мушташта 32 жана 35 жаштагы эки жараны каза болгону жазылган. Алардын бирөө окуя болгон жерде жан берсе, экинчиси ооруканада көз жумганы айтылат. Министрлик кырдаал Орусиядагы Өзбекстандын элчилигинин көзөмөлүндө экенин билдирди.

Орусиянын Тергөө комитетинин маалыматына ылайык, калайман мушташ Москванын Волгоград проспектисиндеги автоунаа жуучу комплекстин жумушчуларынын чырынан улам башталган. Каза тапкан жарандар бир тууган ага-инилер экени кабарланды.

Орус маалымат каражаттары мушташка 15 адам катышканын, алардын баары өзбекстандыктар экенин жазышкан.

Өткөн жуманын ортосунда Москванын Госпитальная көчөсүндө болгон мушташта ок атылып, үч киши жабыркаганы маалым болду. Анда 15 киши кармалганы кабарланды.

Ушул эле апта ичинде Печатники районундагы "Неолит" кафесинин жанында 50дөй киши аралашкан уруш катталганын "МК" басылмасы жазды.

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG