Казакстандын президенти Нурсултан Назарбаев парламенттин дүйшөмбүдөгү жыйынында премьер-министрлик кызматка Аскар Маминдин талапкерлигин көрсөтүп, депутаттар аны колдоп беришти.
Аскар Мамин 21-февралда кызматтан кеткен мурдагы премьер-министр Бакытжан Сагинтаевдин биринчи орун басары болуп иштеген. Сагинтаев кызматтан кеткенден кийин премьер-министрдин милдетин аткара баштаган.
Аскар Мамин 53 жашта. Өкмөткө келгенге чейин "Казакстан темир жолу" улуттук компаниясын, Астана шаарын, Транспорт жана байланыш министрлигин жетектеген.
Казак президенти Нурсултан Назарбаев 21-февралда мурдагы өкмөттү «экономиканын өнүгүшүн камсыздай алган жок, министрлер эл менен иштей албайт» деген сын менен кызматтан кетирген.
Бакытжан Сагинтаев башында турган өкмөт эки жарым жылга жакын иштеди.