КТРК: Байкоочу кеңеш талапкерлерди сынады
Коомдук телерадио корпорациясынын (КТРК) Байкоочу кеңеши телеканалдын директорлугуна талапкер болгон 17 кишини аңгемелешүү турунан өткөрдү. Алар талапкерлердин акыркы окуган китебин, идеал туткан адамын сурап, телеканалдын берүүлөрү, саясий маселелер боюнча пикирлерин укту. 28-февралдагы олтурумда учурдагы директор Илим Карыпбеков өз арызын кайтарып алды. Байкоочу кеңеш добуш берүү аркылуу Каарманбек Кулуевди талапкерлердин тизмесинен четтетти. Кеңештин мүчөлөрү ага аңгемелешүүгө чет өлкөдөн скайп аркылуу катышууга уруксат беришкен жок.