Линктер

ЧУКУЛ КАБАР!
26-Февраль, 2021 жума, Бишкек убактысы 02:05

Венесуэланын «утурумдук президенти» мекенине кайтып барды


Хуан Гуайдо Каракаста жактоочулары менен жолугууда. 4-март, 2019-жыл.

Венесуэла оппозициясынын лидери, өзүн «утурумдук президент» деп жарыялаган Хуан Гуайдо дүйшөмбүнүн кечинде Латын Америкасынын бир нече мамлекетиндеги сапарынан кийин өз мекенине кайтып барды. Ал Жогорку соттун өлкөдөн чыгууга тыюу салган чечимине карабастан чет өлкөгө кеткен. Ушундан улам бийлик ал Венесуэлага кайтары менен «камалышы мүмкүн экенин» эскерткен. Парагвайга, Эквадорго жана Колумбияга барган Гуайдо мекенине кайтары менен баш калаа Каракастын башкы аянттарынын биринде топтолгон жактоочулары менен жолугушту.

50гө чукул Батыш мамлекеттери Гуайдону «утурумдук президент» катары таанышкан. Орусия, Кытай, Түркия сыяктуу мамлекеттер Николас Мадурону колдошот. Венесуэланын армиясы да Мадуро тарапта. Венесуэлада оппозициянын ондогон лидерлери жана активисттери «бийликти кулатуу аракети» үчүн айыпталып камакка алынды.

Пикирлерди көрүңүз (4)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG