Линктер

ЧУКУЛ КАБАР!
5-Март, 2021 жума, Бишкек убактысы 22:56

«ЖМКны колдоо борбору» нуска боюнча «Супер-Инфону» колдоп чыкты


«Супер-Инфо» гезити.

Бишкектеги «ЖМКны колдоо борборунун» жетекчиси Алмаз Курманкалиев Экономикалык кылмыштарга каршы күрөш боюнча мамлекеттик кызматтын (Финансы полициясы) «Супер-Инфо» гезитин текшерүүсүн негизсиз деп эсептеп, арызда көрсөтүлгөн маалымат эски экенин бышыктады. Бул тууралуу Курманкалиев «Супер-Инфо» гезити боюнча өткөн Бишкектеги басма сөз жыйынында билдирди.

«​Сайттагы маалымат Шаиста Шатманова айтып өткөндөй эски экенин расмий түрдө айта алам. Биз 5-февралда бул тууралуу 76 барактан турган түшүндүрмөнү Финполицияга жибергенбиз. Ал каттан кийин текшерүү өткөн. Биздин борбор басып чыгарган гезиттердин баарында, ошол эле «Супер-Инфонун» тиражында да айырмачылык жок. Ошондуктан Финполициянын эмнеге негиздеп текшерип жатканы мен үчүн да таң калычтуу болуп жатат»​, - деди ал.

Жыйынга «Супер-Инфо» гезитинин ээси Кылычбек Султан, гезиттин башкы редактору Шаиста Шатманова жана юристтер да катышты. Султан менен Шатманова басылманы тартып алуу максатында гезитке негизсиз айып коюлуп жатканын билдиришти.

Буга чейин «Супер-Инфо» гезитинин жетекчиси Шаиста Шатманова Финполицияга сурак берип чыккан. Ал гезиттин нускасы тууралуу Насыкулов аттуу жарандын жазган арызынын негизинде чакырылганын айткан.

Финполиция 15-мартта «Супер-инфо» гезити курулай актанып жатканын билдирген. Мекеменин басма сөз кызматы «ЖМКны колдоо борборунун» башкы буюртмачысы «Компьютер пресс» ЖЧКсы («Супер-инфо» гезити) экени аныкталды, дал ушул гезит менен нуска боюнча айырмачылыктар бар экен» деп маалымат тараткан. Гезит бул маалымат эски экенин билдирүүдө. (AiA\ErN)

Пикирлерди көрүңүз (9)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG