Линктер

ЧУКУЛ КАБАР!
1-Декабрь, 2021 шаршемби, Бишкек убактысы 22:00

Жаңы Зеландия: Таррантка карата манифестке тыюу салынды


Крайстчерчтеги кыргындын курмандыктарын эскерүү, Жаңы Зеландия. 18-март, 2019-жыл.

Жаңы Зеландиянын Крайстчерч шаарындагы эки мечитте ок атып, 50 кишини өлтүргөн Брентон Таррантка карата манифестти сактоого жана таратууга тыюу салынды.

Өлкө жарандары манифесттин көчүрмөсүн, шилтемелерин компьютерлеринен өчүрүүгө милдеттүү. Мындай чечимди Жаңы Зеландиянын зомбулукту пропагандалаган маалыматтарды цензуралаган Кинофильмдер менен китептер агенттиги кабыл алды. Буга Таррантка карата манифестте Жаңы Зеландияда чабуул уюштурула турган жайлар жана аны ишке ашыруу жолдору тизмектелген деген жүйө келтирди.

15-мартта Крайстчерч шаарындагы «Аль-Нур» жана «Линвуд» мечиттеринде кыргын салып, адамдарга туш келди ок жаадырган киши 28 жаштагы австралиялык Брентон Таррант экени айтылган. Полициянын маалыматына ылайык, шектүү курал-жарактарды атайын сертификаттын негизинде, мыйзамдуу жол менен сатып алып турган.

Таррант мечиттеги кыргынды «Фейсбуктагы» баракчасында түз эфирде көрсөткөн. «Фейсбук» компаниясы бул видеонун 1,5 миллионго чукул көчүрмөсүн социалдык тармактан өчүрдү.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG