Линктер

ЧУКУЛ КАБАР!
23-Июль, 2024-жыл, шейшемби, Бишкек убактысы 05:27

Иранда хижабга каршы чыккан аялга ырайым берилди


Вида Мовахед, 27-декабрь, 2017-жыл.
Вида Мовахед, 27-декабрь, 2017-жыл.

Иранда коомдук жайларда хижаб кийүүгө каршы чыккан Вида Мовахед бир жылга абакка кесилип, бирок ага ырайым берилди. Бул тууралуу анын адвокаты Пайам Деравшан 14-апрелде билдирди.

Адвокаттын айтымында, сот Мовахедди март айында бир жылга эркинен ажыраткан. Бирок кийинчерээк аятолла Али Хаменеиден ырайым алган.

32 жаштагы Мовахед адегенде 2017-жылдын декабрында хижабын чечип, колуна кармап, аянтка чыкканда «Энгелаб көчөсүндөгү кыз» деген ат менен белгилүү болгон. Анда Вида жана аны колдогон 29 аял камалып чыгышкан.

Мындай акцияны Мовахед 2018-жылы ноябрда да кайталап, дагы кармалып, ошондон бери камакта болчу.

Бул аялдар коомдук жайларда дене-башын жаап жүрүүгө милдеттендирген мыйзамга каршы. Аталган мыйзам Иранда 1979-жылкы Ислам ыңкылабынан кийин киргизилген.

XS
SM
MD
LG