Австрияда 2015-жылы жүк ташуучу машиненин ичинде тумчугуп өлгөн 71 мигранттын өлүмү үчүн ооган жараны менен анын үч болгариялык өнөктөшү өмүр бою эркинен ажыратылды.
Венгрия сотунун 20-июнда чыгарган өкүмүнө ылайык, 32 жаштагы Самсур Лаху менен анын өнөктөштөрүнө «адам аткезчилигин уюштуруу» жана «ондогон адамдардын өлүмү» боюнча айыптар коюлду. Алар тумчугуп жаткан адамдардын жалынып-жалбарганына карабай, жүк ташуучу машиненин эшигин ачпай коюшканы айтылды.
Качкындардын өлүктөрү 2015-жылы 27-августта Будапешт-Вена жолунун боюнда токтоп турган машиненин ичинен табылган.