Линктер

ЧУКУЛ КАБАР!
22-Октябрь, 2021 жума, Бишкек убактысы 15:46

Аксайлыктар президент саналуу гана адамдар менен жолукканын айтышты


Президент Сооронбай Жээнбеков Ак-Сайдын тургундары менен жолугушууда. Баткен району. 26-июль, 2019-жыл.

Баткен районунун Ак-Сай айылы менен Тажикстандын Ворух анклавы чектешкен жерде бүгүн Кыргызстандын президенти Сооронбай Жээнбеков менен Тажикстандын мамлекет башчысы Эмомали Рахмон эки тараптын эли менен жолугушту.

Жолугушууга кыргыз тараптан саналуу гана адамдар катышып, карапайым адамдардын талаптары айтылбай калганын Ак-Сай айылынын айрым тургундары «Азаттыкка» билдиришти.

«Президент жолуга турган адамдар менен жолугуп кеткен окшойт. Бирок биз менен жолукканда жакшы болмок. Биздин да айта турган сөздөрүбүз көп эле. Баягы эле программа, баягы эле кырдаал. Элдин үнү бийликке жетпей жатат. Эгерде үнүбүз жеткенде биз кайра-кайра качпайт элек», - деди жергиликтүүлөрдүн бири.

Өкмөттүн Баткен облусундагы ыйгарым укуктуу өкүлү Акрам Мадумаров жергиликтүүлөрдүн дооматына жооп берип, президент менен жолугушууга катышкан адамдар кимдер тарабынан сунушталаганын айтып берди.

«Алар Ак-Сай айылынын айыл өкмөтүнүн жана жергиликтүү деңгээлдеги айыл башчы, райондун акиминин сунушу менен жолугушууга катышкан. Ачыгын айтканда урматтуу президентибиз Тажикстандын президенти менен эле жолугуп кетпестен, элдин үнүн угуп кетейин деп атайын жолугушуу өткөрдү. Элдин баары менен жолугушууга бүгүн убакыт жетмек эмес. Өткөндө, 4-июлда Баткен облусуна президент иш-сапары менен келип, анда да Ак-Сайдын эли менен өзүнчө жолуккан».

Президенттин басма сөз кызматы Сооронбай Жээнбеков бүгүн Баткен облусунун Ак-Сай айылында Баткен облусунун айылдарынын тургундары менен жолукканын жана анда чек арага жакын айылдардын социалдык маселелерин чечүү боюнча убада бергенин билдирген. (BTo/ZKo)

Аксайлыктардын үнү президентке жетпеди
please wait

No media source currently available

0:00 0:03:17 0:00

Пикирлерди көрүңүз (31)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG