Линктер

ЧУКУЛ КАБАР!
12-Май, 2021 шаршемби, Бишкек убактысы 02:53

Нарындын жетекчилиги Солтон-Сары боюнча чогулгандар менен сүйлөшүү жүргүздү


Бийлик өкүлдөрү менен жолугушуунун жыйынтыгы тууралуу маалымат берилүүдө. 7-август, 2019-жыл.

Нарын районунда Солтон-Сары кенин иштетүүгө каршы чогулуп тургандардын лидерлери менен жергиликтүү бийлик башчылары жолукту. Жолугушууга облустун, райондун, күч органдарынын жетекчилери катышты.

Акциянын уюштуруучулары сүйлөшүүнүн жыйынтыгы тууралуу жалпы чогулгандарга маалымат берип, президентке кайрылуу жазуу тууралуу чечим кабыл алынганын айтышты.

Кайрылууда жалпы эле Нарын облусунда алтын кендерин казууга мөөнөтсүз мораторий жарыялоо жана 5-августтагы чыр үчүн эч кимди камабоо тууралуу талап коюлары айтылды.

Солтон-Сарынын Бучук участогун иштетүү укугу 2013-жылы 20 жылга кыргыз-кытай «Zhong Ji Mining Company» ишканасына берилген.

Кытайлык компанияга нааразы болгон 600-700гө чукул жергиликтүү адам ишти токтотууну талап кылып 5-августта нааразылыкка чыккан. Ошол күнү чыр тутанып, 47 кытай жараны 1 жергиликтүү тургун жабыркаган.

7-августта өкмөт компаниянын кендеги иши убактылуу токтогонун билдирди. (MiK)

Пикирлерди көрүңүз (10)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG