2019-жылдын январь-август айларында Кыргызстандын тышкы соода жүгүртүүсү 3,8 миллиард долларды түзүп, былтыркы жылдын тиешелүү мезгилине салыштырмалуу 6,9% азайды. Бул тууралуу баштапкы тактоо жүргүзгөндөн кийин Улуттук статистика комитети билдирди.
Мунун ичинен экспорт 9,1% көбөйүп, импорт 11,8% азайды.
«Азаттык» мурдараак 2019-жылдын алгачкы жарымында өлкөнүн тышкы соода жүгүртүүсү артка кеткен себептерин иликтеп чыккан эле.
Улуттук статистика комитетинин такталган эсебинде, 2018-жылдын 12 айында Кыргызстандын тышкы соода жүгүртүүсү жалпысынан 7 миллиард 128,8 миллион доллар болгон. Мунун 1 миллиард 836,8 млн. доллары экспортко туура келет. (ErN)
